PDF Ih Lut Tlawng Sayama Cu A Um Men Thei Nawn Lo

Tlawng sayama pakhat cu CDM a tuah hnuah mipi kilhim dingin PDF ah a lut, asinan bawmnak zianghman an neih lo ruangah meithal a nei hrih lo, ralhrang pawl a do duh tuk thlang ruangah mipi hnenah bawmnak a dil.

“Kei cu PDF-Kalay Battalion 2 ih ralkap pakhat ka si. Ahlan ahcun tlawng sayama ka rak ṭuan, February thla ihsin CDM cangvaihnak ah ka tel zo. CDM ka tuah ruangah ka nulepa in in kai ding ti an phang zet, curuangah April thla sungah Non-CDM tuahsal dingin in fial.

Fimthiamnak zung lam ihsin Non-CDM na tuah ih hmin na ra khen asilen thlahlawh na ngah ding tin in kosal. Ka innsang pawl khalin sun le zan in Non-CDM tuah dingin in fial, cutin hmin ka va khen ding tin inn ihsin ka suak ih ka innsang pawl cu ka pehtlaih nawn lo.

Raldo dan zir dingin ka zingzoi ih June thla sungah rualpi pawl thawn kan pehtlaihaw thei ih CNF/CNA ah raldo dan kan va zir. Thla 2 sung raldo dan kan zir hnuah August thla ah PDF-Kalay Battalion 2 ah kan lut, kannih pawl cu raldo dan zirsuak pekte pawl kan si ih bawmnak zianghman kan neih lo ruangah meithal khal kan lei thei hrih lo.

Kahawknak a thleng tik khalah kan va kap bawm thei lo ih kahawknak a thleng asilen kan relh ṭheu. “Kei khal ka do duh thlang, ka relh paih nawn lo” ka tiaw ringring, curuangah mipi. nulepa pawl nan theitawkten in bawm cio hram dingin zangfah ka lo dil. Kpay or Wave-09985362881, Acc name; Khine Thazin Phway” tin a tarlang.

Be the first to comment

Leave a Reply

Your email address will not be published.


*