PDF In Anmah Hnaihnoktu Hriamkai (ZRA) Pawl An Kap Tum

People’s Defence Force (Kalay) le Zomi Federal Union / PDF (Zoland) cu tangtlang in thuneihnak latu ralkap pawl do tlang vivo dingin thutiam kamnak an nei.

Cun, Tonzang, Tedim ramsung le ramri ih um ralkap lamtang, ralkap vek ih cangvaitu pawlkom, mipi duhlo zawngih cangvaitu pawlkom cu PDF tibuai in an cangvai vivo asilen kan kap ding tin an tarlang. Zomi Revolutionary Army (ZRA) pawl cu India cozah dodal ih hriamkai an si ih ramri ah an um.

May 22, 2021 le June 16 ah PDF –Zoland pawl ih umhmun khuarnak cu ZRA in an kap ciamco ih an sakhan khal an siatsuah sak. September 19, 2021 ah ramri ih um Thinglei khua ah an va lut ih Hualngo PDF pawl an hawl, an hmu lo ruangah an innsang mi 5 an kai ih an hrem, an vuak ciamco hnuah an thlahsal.

Tamu ramri ih um Meitei tapung pawl khal ralkap thawn an tangtlang tin PDF Tamu in thu an rak suah zo. ZRA le Meitei tapung pawlin PDF an tibuai sal asilen PDF in an kap ve ding, cun anmah tangpitu khal Kalaymyo ramsung ah an um ih an thhhla a cipciar in an thei thluh zo ih a ṭuldan vekin hremnak an pek ding thu khal an tarlang.

Be the first to comment

Leave a Reply

Your email address will not be published.


*