PDF In Nupa An That Sual, Ngaihthiam An Dil

August 23, 2022 zinglam nazi 8:00 hrawngah Mandalay lamzin ah nupa tuakkhat cu tualsung mipi ralkap pawlin dalan tin an kap that sual. Kum 43 mi U Sii Thu Ko Ko le a nupi Ma Hnin Wei Hlaing (kum 38) in an fanu neihsun cu Unity Private High School ah an va thlah ih an tlunlam ah an rak kap that.

An kahthat pekte ahcun a thupten CID ṭuanlai ralbawi Soe Ko Ko tei nupa an si tin an tarlang. Neta ah CID ralbawi Soe Ko Ko tei nupa an si lo ih mi pangai U Sii Thu Ko Ko tei nupa ti an theifiang. Innsang pabik U Sii Thu Ko Ko ih lu le pum ah an kap ngah ih a nupi Ma Hnin Wei Hlaing cu a dunglam zang ah an kap ngah. Lamzin laifang ah an thi cih.

Tualsung mi pakhat in, “Innsang nu cu Myat Nann Yone Hotel ah manager ṭuan lai a si. A pasal in hnipuan mankhung pawl a zuar ṭheu. An fanu tlawng an va thlah ih an tlunlam ah an kap that” a ti. An ruak cu siizung ah an phur ih zohdiknak an nei.

Tiger Force Mandalay pawlkom in an tantami innsang le tualsung mipi hnenah ngaihthiam an dil ih hremnak an tuar ding thu khal an tarlang. Tualsung zingzoitu pawlin CID ralbawi Soe Ko Ko ih bike number, a hmuihmel le zuk, inn a lutsuak caan zaten Tiger Force Mandalay hnenah an kuat.

Asinan nenhngettu Scout Team ih theihsualnak le cahlonak ruangah minung diklo sawn an kap that. Himi kiangkap ah an that tum mi CID ralbawi Soe Ko Ko khal arak um ve, tu’ahcun a tlanhlo zo ih a innsang pawl khalin an pehtlaih thei lo. Mithi ruak pahnih cu Ayerakyat Cemetery thlanmual ah an phum.

Be the first to comment

Leave a Reply

Your email address will not be published.


*