PDF In Ralrinnak An Pek Veten Khua Lal Ihsin A Suak

Sagaing Division, Chaung Oo ramsung ah tualsung PDF pawlin veng lal, khua lal zaten nan sinak ihsin cawl / suak thluh uh tin September 24 sun ah thu an suah.

Cumi an suah hnu a thaisun September 25 ah Chaung Oo ramsung Man Cho khua lal U Hla Win in khua lal ihsin a bannak ca a thehtlut hngal.

Tualsung mi pakhat in, “Chaung Oo-PDF pawlin manisun ah ralrinnak ca an suah ih tuisun ah a suak cih. Chaung Oo ramsung ah ralkap kuthnuai ah khua lal tuan lai minung 5 an um” a ti.

Kin Mon Taw khua lal U Bo Aye khal September 6 sun ah khua lal sinak ihsin arak cawl zo. Chaung Oo-PDF in “Ralkap kuthnuai ah zohman khua lal, veng lal tuan lo ding.

September ni 30 hlan ah khua lal, veng lal sinak ihsin suak thluh uh, thuhla a phunphun phuahhlam in nan suak cuang lo asilen Chaung Oo-PDF in ralkap lamtang tin kan lo nuai ding” tin September 24 sun ah ralrinnak ca an rak suah.

Be the first to comment

Leave a Reply

Your email address will not be published.


*