PDF-Kalay An Kaihmi Pawl Hrangah Thlacam Uh Law >>>

November 16, 2021 zinglam ah ralkap pawlin Kalay-PDF Battalion 3 sakhan an va sim ih siivai thiam medical team ih nunau 9 le mipa pahnih an kai. Zinglam nazi 9:30 hrawng ihsin zanlam nazi 6:00 tiang an kapaw ciamco.

CNDF, Kalay-PDF, CDF (KKG) le ပ.က.ဖ pawl an tangtlang ih ralkap pawl thawn an kapaw ih ralkap lam 20 hrawng an thi. Kalay-PDF medical team kaitu ralkap pawl cu camp ihsin an tlansuak thei lo ih mipi kilhimtu pawlin an kulh thluh.

PDF-Kalay le CNDF in “Nan kaihmi pawl nan thlah asilen lamzin kan lo ong ding” tin Loudspeaker in an auh nan an suah lo ruangah tuizing November 17 ah an kapaw sal tin Zalen thuthang ah an tarlang.

An kaihmi medical team nunau 9 ih zuk cu online parah an tarlang ih ral kutsung ah an um nan ṭihphannak zianghman an nei lo. Kum nauhak te an si lai nan ram le miphun hrangah an nunnak thapin poksuaktu pawl an si.

Hliamtuar loin an suah lohli theinak dingah thlacamnak thawn rak bawm cio uh law. An kaihmi mipa 2 cu an that zo tin thuthang aum nan Kalay-PDF in an nenhnget thei hrih lo thu an tarlang. An kaihmi mipa 2 cu an thi maw an nungdam ti theihfiang a si hrih lo, an kaihmi pawl cu runsuak dingin mipi kilhimtu in an zuam rero lai. (# Medical team nunau an kaihmi hi 8/9 ti an um)

Be the first to comment

Leave a Reply

Your email address will not be published.


*