PDF (Kalay) In Hriamkai Pawlkom Pakhat An Nuai, An Sakhan An Laksak

Kalaymyo thlanglam Tin Thar ramsung, Doe Nwe ramsung, Ingyun ramsung, Kyauk Pyut ramsung le Kukkol ramsung pawl ah Dalan Pawl Thianfaitu timi hmin kengin Shine Ta pawlkom pakhat aum. Shine Ta (ရှိုင်းသာဦးဆောင်သော အဖွဲ့) pawlkom pawl cu khuasung mipi parah nunrawng zetin an cangvai, lal vekin an tlangleng.

Ṭhenkhat mipi pawl cu sumpai le thilri laksak tu, fala pawl pawngsualtu, Dalan, ritheihsii tham ih zuartu tin awlaiten an puh ih an that hluahhlo. An that hnuah an sui, sumpai, bike le an rohlu pawl an laksak. Daanpahbal in an cangvai ruangah khuasung mipi pawlin PDF (Kalay) hnenah zual an ko ih bawmnak an dil.

Shine Ta pawlkom pawlin sualnak nei lo mipi pawl cu an kai ih nasa zetin an velh ciamco hnuah an that lai video khal hmuh ding aum. PDF (Kalay) thawn pehtlaih awknak zianghman an nei lo nan Shine Ta pawl ih cangvaihnak cu PDF ih cangvaihnak ih ruatsualtu khal an um.

Mipi ih an dilnak vekin September 26 ah PDF (Kalay) in an sakhan cu an va kap ih kaphnih kahawknak a thleng, an hotu bik an kap that hnuah an sakhan cu an laksak ih an member pawl khal an kai. An rak laksak mi sui, sumpai le bike pawl khal ṭhaten hmin cazin an ngankhum hnuah a neitu diktak hnen ih a thleng theinak dingah an tawlrel rero lai.

PDF (Kalay) cu National Unity Government (NUG) kuthnuai ih um a si ih daan le dun vekin ral an do, ralkap cozah dotu pawlkom ṭhenkhat thawn khal tangtlang in ral an do ṭheu. Ziangvek pawlkom khal an silen sualnak neilo khuasung mipi parah nunrawng zetin an cangvai asilen kan do vivo ding” tin an tarlang.

Be the first to comment

Leave a Reply

Your email address will not be published.


*