PDF (Kalay) Le Ralkap Pawl An Kapaw Ih Ralkap 17 An Thi, PDF 2 Le Khuasung Mi 2 An Thi

July 15 zinglam nazi 9:00 hrawng ihsin Kalaymyo mipi kilhimtu le thuneihnak latu ralkap pawl an kapaw ciamco ih ralkap lam 17 an thi. PDF 2 le khuasung mi 2 an thi ve.

Ralkap pawl cu Kalaymyo thlanglam khua ah an hrang zet, Tin Thar khua ih inn 5 hrawng an siatsuah ih sumpai ting 3 zikte le laptop an laksak. Curuangah Ranger Kalay Defend Force pawlin an kap ih PDF Kalay pawlin an va bawm.

Tin Thar, Kyauk Pho le Do Nwe khua kiangkap hrawngah an kapaw ciamco. Zan nazi 7:00 tiang nasa zetin an kapaw ih ralkap lam 17 an thi.

Tu’khalah an dinhmun cu a dai hrih lo ih ralkap pawl cu Kyauk Phyu le a kiangkap ah umhmun an khuar rero lai. Ralkap le PDF (Kalay) pawl an kahawknak ruangah khuasung mi į¹­henkhat cu sahimnak hawlin ramlak ah an tlan.

Be the first to comment

Leave a Reply

Your email address will not be published.


*