PDF (Kalay) Le Ralkap Pawl Sunivu An Kapaw (September 3)

September 3 zingpit ah ralkap pawlin meithal le bomb in Kalaymyo, Myittha tiva kiangkap ih um InnKyun khua cu an kap ciamco, san le vang um loin an kap ciamco hnuah khuasung ah an va lut ih khuasung inn pawl an siatsuah.

Cumi hnuah Yeshin khua lamah an va feh ih lamzin ah PDF (Kalay) pawlin an rak bawh, zinglam nazi 9:00 hrawng ihsin an kapaw ih zanlam nazi 7:00 tiang an kapaw. An kahawknak ah ralkap lam hliamtuar le mithi an um ding ti zum a si nan nenhngetnak aum hrih lo, PDF (Kalay) lamah mi pahnih in hliam an tuar nan seherh um dinhmun an si lo.

An doawknak ah ralkap pawlin catbang loin pukpi le bomb thawn an kap ciamco ruangah Yeshin khua ih an inn le lo pawl an siatsuah. Nazi 7:00 hnuah ralkap pawl cu Yeshin khua sungah an va lut ih khuasung inn pawl an urkang.

Kalaymyo peng sungah doawknak a sosang vivo ruangah Kalaymyo-Gangaw lamzin ah zohman motor tlan hrih lo dingin thu an suah, Kalaymyo-Gangaw lamzin parah motor mawng an um ih thil pakhat khat an tong asilen PDF (Kalay) in į¹­uanvo an lak thei lo ding thu theihternak an suah.

Be the first to comment

Leave a Reply

Your email address will not be published.


*