PDF (Kalay) “Ralkap Pawl Ih Bomb Puak Ruangah Ka Thi Zo Tin Ka Ruat Aw Nan Pathian Zarah Ka Nungdam”

September 26, 2021 ah People’s Defence Force (Kalay) le CNDF pawl komaw in thuneihnak latu ralkap pawl an kap ciamco. Ralkap pawlin bomb le pukpi in an kap ciamco nan hmai an nor thei cuang lo ruangah dung an sip, an doawknak ah ralkap lam 3 an thi ih hliamtuar khal an tam zet. Mipi kilhimtu lam ah bomb puak hliamtuar 5 an um.

PDF (Kalay) pasalṭha Thu Rain in “(Hallelujah) 3, ahmaisabik ah Pathian hmin ka thangṭhat. Ralkap pawl ih an kahmi bomb 2 cu ka kiangah veihnih a puak, bomb puak ruangah ka cal le kawng ah hliamhma ka tuar. Ka thi zo ah ka ruat aw nan Pathian ih kilvennak, humhimnak zarah tutiang ka nungdam lai.

Hliam kan tuar ruangah kan ṭih cuang lo, hmailam pan in ral kan do vivo ding. Ka hliamhma khal a ziaum zo, Pathian ih zangfahnak zarah PDF (Kalay) hliamtuar pawl khal thlaphang um dinhmun an si lo. Mipi nan zaten ka lo duhdawt. PDF (Kalay) Thu Rain Zin, 26-9-21. Sunday” tin a facebook cahmai ah a tarlang.

Thu Rain hi Kalamyo ramsung buai pekte ihsin mipi kilhim in arak cangvai rero zo. Dalan pawl ih an heknak ruangah an runinn cu an urkang sak. PDF (Kalay) mino in “Mizan (September 7, 2021) ah dalan pawl ih heknak ruangah kan inn cu ralkap pawlin an urkang.

Ka farnu le pawl ramdang ah hna an ṭuan ih an thlahlawh an khawl hnuah kan sak mi inn a si ruangah ka riahsia tuk, asinan dothlennak ah ka tel vivo ding. Ka nu le ka unu nan beidong hlah uh, nan thinhar ding ti cu ka thei ko.

Dothlennak kan neh hnuah ralkap pawl ih an ti siat mi inn ai ih ṭha sawn Pathian’n in pe ding ti ka zum, ka nu le ka unu rak zuam ṭento hrih uh. Bible sungih Job khal harsatnak a tuar hnuah Pathian in a let 7 in thlausuahnak a pesal a si kha, Pathian in a let 7 in thlausuahnak in pesal ding ti zumnak thawn thla rak cam uh.

Pathian in riahsiatnak lak ihsin lungawinak in pesal ding, sungralnak lak ihsin thlausuahnak in pesal ding. Dothlennak ah nehnak kan co zik thlang ih hnangamten kan umtlang theinak ding hrangah thla rak cam uh. Ka nu le ka u, ka lo duhdawt tuk” tin arak tarlang zo.

Be the first to comment

Leave a Reply

Your email address will not be published.


*