Mi 20 Hrawng An Thi

Sagaing, Yinmarpin ramsung ih umhmun khuar tualsung mipi humhimtu PDF le PDF an kahawknak ah mi 20 hrawng an thi zo, mithi lakah khuasung mi khal an tel. Ralhrang in ramsung thuneihnak an lak hnuah Sagaing ramsung ah PDF pawlkom tam zet an sersuak aw.

An domi cu a bangaw nan an lakah hmuhthiam awklonak a suak ṭheu. Ralhrang pawl nuai cimit dingih hriamkai an si nan pawlkom pakhat le pakhat karlakah hmuhthiam awklonak phunphun a suak ih “Dalan” tin an puhaw. Hruaitu thiṭha an neih lo ruangah remawklonak a suak ih an kapaw.

March 2 khalah Ko Win Swe, Maung Ni le Aung Naing Phyo cu mask bun hriamkai pawlin an kai ih an hruaihlo, mask bun hriamkai pawl cu tualsung PDF pawlkom si an zum thu an tarlang.

Tualsung mipi in thisen suahnak a tam vivo ding ti an zum ruangah an thinphang zet ih hruaitu ṭha nei lohli sehla an buainak pawl hi cinfel sak lohli hram seh’ tin an tarlang.

Be the first to comment

Leave a Reply

Your email address will not be published.


*