PDF Le Tlangpar Hriamkai Pawl An Komaw Ih Ralkap 20 An That, 4 An Kai. PDF Lam 5 Hliam An Tuar

Myanmar ramsung hmuntinkim ah mipi in thuneihnak latu ralkap pawl an do rero thlang.

Tuisun May 23 sunah Shan-Kayah ramri ih um Moebye khua sungih palik sakhan (မိုးဗြဲရဲစခန်း) cu PDF le tlangpar hriamkai pawlin an va do ciamco ih ralkap 20 an that.

Ralkap le palik 4 cu an kai, ralkap pawl ih meithal tam zet an laksak, PDF lam minung 5 in hliamhma an tuar ve.

Manisun May 22 khalah PDF le Free Burma Ranger pawl an komaw ih Daw Taw Gate kiangih ralkap sakhan tumpi an la, sakhan sungih um ralkap pawl cu an rak tlanhlo thluh man ih an sakhan cu an urkang sak.

Be the first to comment

Leave a Reply

Your email address will not be published.


*