PDF Mino 2 In An Nunnak Thap In Ralkap Tank An Puah

Myanmar ramsung hmuntinkim ah mipi ralkap PDF le ralkap pawl an doaw rero lai. March thla ihsin Chinram, Sagaing, Magwe le Mandalay mipi pawlin ralkap pawl an rak do rero zo, tu’ah Karen mipi pawl khalin an do ve thlang.

May 25 sunah KPDF pawlin Loikaw khuasung ih um ralkap le palik pawl an va kap ciamco, Home Affairs Minister, Lieutenant General Soe Htut cu Loikaw khawpi a tlawng laitak a si.

Ralkap pawlin doawknak tank tumpi le ralthuam picang zetzet an hmang. KPDF pakhat in “Kan milisa 2 in ralkap tank an va puah, ralkap tank 2 a siat thluh ih kan milesa 2 khal an thi. Ralkap lam 5 an thi ve, kan doawk laiah kan milesa 3 an hlo” a ti.

May 21 sun khalah nasa zetin an rak doaw zo ih ralkap lam 40 lenglo an thi, ralkap pawlin khuasung mipi khal an kap ciamco ih mithi le hliamtuar an tam zet.

Ralkap pawl ih bomb cu Catholic biakinn ah a tla puak ih biakinn sungih rak relh minung 4 an thi ih hliamtuar 8 an um, mithi ruang 4 cu ralkap pawlin an la. Ralkap le mipi kilhimtu pawl an doaw rero lai ruangah khuasung mipi pawl cu sahimnak hawl in ramlak le khua dangdang ah an tlan, an relh.

Be the first to comment

Leave a Reply

Your email address will not be published.


*