PDF Mino Kum 21 Mi A Thi, Ralkap 5 An Thi Ve

Sagaing ramsung ah mipi kilhimtu le ralkap pawl an doaw rero lai ih ralkap pawlin doawknak helicopter khal an hmang thok.

November 10, 2021 sun ah PDF, KIA pawl an tangtlang ih ralkap pawl thawn an doawknak ah PDF mino kum 21 mi Maung Aung Moe a thih thu Kathar Revolution pawlin an phuang.

November 10 simlam nazi 4:00 hrawngah Moe Ta Lay hmun ah PDF, KIA le ralkap pawl cu an kapaw ciamco. Cutin an doawk laiah ralkap pawlin bomb le pukpi cu kiangkap ih um khuasung lamah an kap.

Mipi kilhimtu pawlin khuasung mipi pawl hliam an tuar pang ding ti an phang ruangah dung an sip, cutin dung an sip laiah PDF mino cu a dunglam ihsin an rung kap ngah ih a thi. Himi an doawknak ah ralkap lam 5 an thi ih hliamtuar khal an um tin Kathar Revolution in media hnenah an sim thei.

Be the first to comment

Leave a Reply

Your email address will not be published.


*