PDF Mino Pakhat Ih Canganmi Hi A Riahsiat Um Tuk

Ramlak ih um PDF mino pakhat in, “Ka rualpi pawl, doawknak tualrawn ah hmainortu in ka um ih ka nunnak hrangah zianghman ka relcia thei nawn lo. Asinan ka damsung cu ralhrang pawl hi ka do vivo ding, thih hi ka ṭih lo. Ka ṭihmi cu ka thih hnuah himi dothlennak hi kan hlawhsam pang ding ti ka phang.

Tu’ah mi tampi cu an thisen a dai zo, kannih khal kan duhdawtmi kan nulepa pawl kan tlansan thluh. Rampi humhim dingin ralhrang pawl kan do rero lai, a cemnet tiang kan do thei ding ti hi ka zum thei nawn lo. Mipi zaten in bawm asilen kan neh ding, mipi zaten kan lamah nan tang ih in bawm asilen kan ulenau pawl kan can nawn lo ding.

Asinan, mipi zaten in bawm uh tin kan lo sawmnak cu thilcang thei a sisi lo. Ka rualpi pawl, dothlennak ah ka rak thi asilen ka nulepa hi in kilkhawi sak hram uh. Sumpai rak khong in bawmnak ah tel uh tin ka lo sawm lo, ka lo sawm duhmi cu hi dothlennak ah telin neh ding rori in do tlang kung.

Tu’ahcun mi ṭhenkhat cu pangaiten hringnun an hmangsal zo, ahlan vekin hna an ṭuan ih tlawng an kai. Zung an kai, Club ah an feh, puainak hmun ah an feh. Ziangziang si maw an tuah rero zo, khausung ih thilcang mi pawl kan hmuh tikah ramlak ih um pawl hi kan thinum a nuam lo zet” tin a tarlang.

Be the first to comment

Leave a Reply

Your email address will not be published.


*