PDF Mino Pakhat Ih Hringtu Nu A Thi

Myanmar mino ṭhaṭha pawl cu rampi zalennak ngah dingin an zuam rero lai, ram le miphun hrangih nunnak hlantu khal an tam zet zo.

Ramlakah an um ih ruahsur lakah an khuasa, fikfa le cangvat lakah an tlanlen, ei le in thitha khal an nei lo nan an beidong cuang lo. Zalennak an ngah hlanlo an do vivo tum.

Mipi kilhimtu PDF lakah Covid-19 nat nei khal an um hnuaihni zo, ram le miphun hrangah harsatnak phunphun an paltlang ih culaiah inn lam ihsin thuthangsia an thei bet.

Tuiṭum khalah PDF mino pakhat ih hringtu nu a thi nan a nui ruak vuinak khalah a tel thei lo, ramlakah a nui zunngai in aum. A nu hi damlonak neicia a si ih a dam lo bese zet ti a theicia nan a nu damlo kiangah aum thei lo. Hlaral ihsin a zoh ṭheu.

PDF mino in “Meithal le thilri pawl kan thiar laiah ka nu a thih thu ka thei. Ka nui ruak vuinak khalah ka tel thei lo, ka innsang hrangah tutiang tuanvo ka hlensuak thei hrih lo cu ka nu in i ngaithiam ko ding ti ka zum” tin a tarlang.

Be the first to comment

Leave a Reply

Your email address will not be published.


*