PDF Mino Pakhat Zamual A Liam

Kayah State, Dimawso ramsung doawknak ah KPDF mino pakhat in ram le miphun hrangah a nunnak a hlan.

September 20 sun nazi 12:00 hrawngah ralkap pawl cu doawknak tualrawn ah umhmun an va khuar ruangah KPDF pawl thawn an kapaw ciamco. An doawknak ah KPDF pakhat a thi ih hliamtuar le mihlo khal an um.

KPDF lamtang pakhat in, “Sun nazi 12 hrawng ihsin kan doaw thok, nazi 2 sung kan doaw. Ralkap pawlin umhmun an ra khuar ruangah kan kapaw, minung thazang le ralthuam thazang kan thlauaw deuh ruangah dung kan sip lawk.

PDF pakhat a thi ih hliamtuar 4 an um, 2 cu kan pehtlaih thei hrih lo ih an hlo. Ralkap pawlin doawknak tualrawn silo khua sung lam khalah meithal le pukpi pawl an kap lut ciamco” a ti.

Tu ih an dinhmun khalah doaw thei ringring an si ih ralring thepthep in an um, ralkap lam cu mipum 200 lenglo an si ih an doawknak ah ralkap lam hliamtuar le mithi cazin cu an theithei hrih lo.

Ralkap in thuneihnak an lak hnu ihsin Kayah ramsung an doawknak ah mipi lam mithi 93 le kaih tong mi 139 an um zo tin Progressive Karenni People’s Front (PKPF) in September 18 sun ah a phuang.

Be the first to comment

Leave a Reply

Your email address will not be published.


*