PDF Pathum Cu Bomb An Test-nak A Puaksual Ih An Nunnak A Liam

Sagaing ramsung ih Galon-PDF paralṭha pathum cu bomb kammi pawl a hmuar a naa sinsin theinak dingah an tuah, an tesh-nak ah a puaksual ruangah an nunnak a liam thu theih a si.

Galon-PDF in, “Ram le miphun hrangih nunnak hlantu Aye Zaw Win (private number D00051), Zaw Zaw Naing (private number D00114) le Myo Min Htet (private number D00151) cu Galon-PDF in kumkhua upatnak kan pe a si” tin an riahsiatnak thu an tarlang.

Mual liamtuar Galon-PDF mino 3 hi kum 20 kiangkap hrawng mi hlir an si. Sagaing ramsung ah ralhrang le mipi kilhimtu pawl nasa zetin an doaw rero lai.

Sagaing ramsung ah mipi kilhimtu pawl ih thazang hi a cak zet nan ralthuam an nei ṭha lo ruangah kut ih tuahcopmi bomb an hmang ṭheu ih hitin siatnak an tong. Ralthuam ṭha, meithal leinak dingah mipi bawmnak an ṭul zet thu theih a si. Zuk: Galon-PDF paralṭha pathum ruak an urkang lai

Be the first to comment

Leave a Reply

Your email address will not be published.


*