PDF Pawl Ih Kammi Bomb An Rak Hawl Ih An Zuar

Sagaing, Monywa-Ayadaw lamzin ah tualsung mipi ralkap PDF pawlin bomb an kam ṭheu ih mino burkhat in an rak ru ṭheu. Himi lamzin cu ralhrang pawl feh ṭheunak lamzin a si. Hnawmhne hawl le thilzuar vekin an um ih bomb kammi pawl an hawl. Mino 6 hrawng an si ih nauhak te khal a tel.

PDF in veihnih an kai ngah zo ih ralrinnak an pek hnuah an suahsal, asinan bomb kammi pawl an hawl lai thotho ruangah PDF pawlin ‘kan hmuh tikah cun dalan vekin an thu kan ṭhen ding’ an ti.

PDF ṭuanvo neitu in, “March thla ah ahmaisabik kan kai ngah. Bomb kammi pawl an hawl rero laiah kan kai ngah, an lakah nauhak a tel ruangah neta ah hivek tuah nawn lo dingin ralrinnak kan pe. Cumi hnuah bomb kammi pawl an hawl lai thotho ruangah kan kaisal, tuah nawn lo dingin kan sim thei ih kan suah.

Nithum liamzo ah bomb kammi an hawl sal ih ralring peknak ah meithal kan hmetpuak. Neta ahcun dalan vekin an thuhla kan ṭhencat ding” a ti. PDF ṭuanvo neitu in ‘dalan an si le silo khal an theiaw lo. Bomb kammi pawl cu an rak zuarsawng’ a ti.

Be the first to comment

Leave a Reply

Your email address will not be published.


*