PDF Pawl Nan Bawm Tin Phungyi Cu An Urkang

Mandalay, Nga Shan Taung khua ih um phungyi kum 75 mi U Tay Zaniya le a hnaṭuan bawmtu a naupa cu March 25 zan ah ralhrang pawlin an urthat. An umnak inn le an thilri bungrua pawl khal an urkang sak thluh, an ruak khal a kangsiat.

Zan nazi 10:00 hrawngah tualsung mipi pawlin meithal awn vei 10 hrawng an thei. Tualsung mi pakhat in, “A hlan ah Nga Shan Taung ih PDF pawl na bawm tin thu an ra sut ṭheu. PDF pawl hnenah rawlei ding na pe, thilri bungrua pawl na kuat ṭheu an ti.

Ralhrang pawlin NLD palai pawl khal nan hnenah an relh ṭheu tin thu an ra zut zo. An thiltuah hi a ṭha lo tuk, an that asikhallen ṭhaten that men ding an si. A thilri bungrua, motor pawl an siatsuah thluh hi thilṭul a si lo. A ruak hi hlonhlo an duh ruangah an urkang” a ti.

U Tay Zaniya hi miharsa pawl bawm ṭheutu pakhat a si, zu ngawlvel le ritheihsii ngawlvel tam zet arak tuamhlawm dam zo.

Be the first to comment

Leave a Reply

Your email address will not be published.


*