People’s Soldiers In Min Aung Hlaing Le A Kuthnuai Ralbawi Pawl Cu An Hna Ihsin An Ban

People’s Soldiers in Min Aung Hlaing le a kuthnuai ralbawi pawl cu an hna ihsin kan ban tin October 13, 2021 sun ah an tarlang. People’s Soldiers cu CDM tuahtu ralkap le mipi lamtang ralkap pawl ṭanpitu, lamzin sialsaktu pawlkom a si.

People’s Soldiers in “Ralkap cu ramsung mipi pawl humhimtu, kilhimtu ding an si. Mipi hriltling mi cozah khal nunnak thap ih kiltu ding an si.

Asinan Min Aung Hlaing le a kuthnuai ralbawi pawlin ralkap daan le dun an pahbal ruangah an hnaṭuannak ihsin kan ban zo ih ralkap pawlin an thu thlun a ṭul nawn lo. Rampi daan an pahbal ruangah hremnak pe dingin kan tawlrel ding.

February 1 ah Myanmar president U Win Myint cu ralkap pawlin “Na harhdamnak a ṭha lo ruangah president sinak ihsin cawl aw, na cawl lo asilen a ṭihnung” tin an hringhro. Himi rampi thuneihnak an lonsak cu daanhrampi pukmah 122 (1) nak an pahbal a si. Curuangah Min Aung Hlaing le a kuthnuai ralbawi pawl cu an hna ihsin kan ban a si” tin an tarlang.

Be the first to comment

Leave a Reply

Your email address will not be published.


*