PFD Pawl Rawl An Ei Laiah Ralhrang In An Kap, PDF (8) An Thi

Sagaing, Myinmu Township, Pegu khua kiangih um Black Eagle Defence Force-MMU sakhan cu May 9, 2022 zinglam nazi 6:00 hrawngah ralhrang pawlin an kap.

PDF pawl rawl an ei laitak ah a thupten ralhrang le Pyu Saw Htee pawlin an va lutchilh ih an kap.

Black Eagle Defence Force-MMU in, “Zinglam rawl kan ei laiah ralhrang le a kuthnuai Pyu Saw Htee pawlin in kap. Kan ralkap (1) U Than Zaw Oo, (2) Htet Shain Thu, (3) Wai Yan Phyo, (4) Myint Myat Thu, (5) Kala, (6) Paw Oo, (7) Nay Thu Hlaing le (8) Win Tun cu dothlennak ah an nunnak a liam” tin an tarlang.

Ralhrang pawlin an sakhan le mithi ruak cu an urkang.