Philippines Long Tumpi A Kang, Mi 7 An Thi

Philippines long tumpi Mercraft 2 cu tipithuanthum parah a kang ciamco. Polillo tikulh ihsin Luzon lam pan a si. May 23, 2022 zinglam nazi 6:30 ah longpi cu a kang thok ih mipi cu mangbang vansang lam in an um.

Mercraft 2 long sungah minung 186 an to thei, himi sun ah long totu mi 134 le long hnaṭuantu pawl an um. Kangmei cu long engine room ihsin a suak, ziangtin kangmei a suak thok ti cu an zingzoi rero lai.

Long cu a alh vutvo ih mikhual pawl cu tipithuanthum ah an dawp tla, ṭhenkhat cu tileuhnak kor an hruh man. Minung 7 an thi ih mi 120 an runsuak, minung 7 cu tipithuanthum ah an hlo. Metres 500 hlatnak hmun ah longpi pakhat arak um ih an va run.

Long ṭuanvo neitu in, “Kannih khal Polillo tikulh ihsin kan poksuak, an dunglam ah kan tlan ih an vanṭha tuk. Minung 40 kan runsuak man ih mithi 2 an um” a ti. Mibawmtu pawlkom in an va runsuak, meisa khal an mit thei zo ih longpi cu tipikap ah an thiar.

An kiangnai ih long ṭuanvo neitu in, “Thilpuak awn ring zet kan thei. Kan vun zoh cu an long hi a alh vutvo. Mikhual pawl cu tipi ah an dawt. Minung 7 an thi ih 120 an runsuak, minung 7 cu an hawl rero lai” a ti. An long captain khal a thi. Tipithuanthum ah Philippines long in cansualnak an tong ṭheu.

Be the first to comment

Leave a Reply

Your email address will not be published.


*