Philippines President In Covid-19 Sii Dawt Lo Pawl Cu ‘Thawng Ka Lo Thlak Ding’ A Ti

Leitlun ram dangdang ah Covid-19 khamsii an dawt aw rero lai, ṭhenkhat cu harhdamnak ṭha lo ruangah le thil dangdang ruangah Covid-19 siivai dawtawk an duh lo.

Covid-19 in Asian ramsung ah Philippines ram hi a nuai nasabik ih, positive 1.3 million lenglo an um zo. Cun 23,000 lenglo an thi. Curuangah an cozah in tuikum sungah minung 70 million hrawng hnenah Covid-19 khamsii dawt man a tum.

June 20, 2021 tiangah an ramsung mipum 110 million lakah 2.1 million lawngin Covid-19 khamsii an dawtaw lai. Curuangah an ram president Rodrigo Duterte in “Covid-19 sii nan dawt ding maw, thawngtlak nan hril sawn ding” tin mipi pawl a hringhro.

Asinan, an ram harhdamnak zungin mipi duhhrilnak in sii cu kan dawt vivo ding tin media hnenah an sim thei. President Rodrigo Duterte hi ṭong thutthi a hmang ṭheu a si ding, kan dung khalah China ram arak hringhro zo ih nan duh len in kap uh a ti. Asinan, cumi hnu reilote ah a capoh ṭongkam a si thu a relsal.

Be the first to comment

Leave a Reply

Your email address will not be published.


*