Phir Unau 3 In An Duh Tuk Ruangah A Nei Thluh

Africa, Congo khua ih um tlangval kum 32 mi Luwizo hi a luck zet, nunau phir unau 3 in an duh tuk ruangah an unau thum in nupi ah a nei thluh lawlaw. An unau lakih pakhat Natalie thawn an duhaw hmaisa ih cumi hnuah midang 2 thawn an duhaw, veikhat ah an unau thum in a kop. An hmin cu Natasha, Natalie le Nadege a si.

Phir unau Natasha in, “Nupi ah kan unau thum’n in nei ding tin kan sim thei cu a lau tuk” a ti. Tlangval Luwizo in, “Thuthluknak harsa zet a si, asinan ka fala an si thluh ruangah nei dingin thuthluknak felfai ka tuah. Ka nulepa in ka thuthluknak cu mak an ti tuk ih an lungkim lo, curuangah mopuai khalah an ra tel duh lo” a ti.

February 28, 2022 ah lunghlai zetin kutsihnak an nei ih vengsung mipi pawlin an lawmpi. Phir unau pakhat in, “Kan unau thum in pasal pakhat kan neitlang thei cu kan lungawi tuk. Nunau pathum in mipa pakhat tawmawk cu midang hrangah a cang thei lo men thei, asinan kan hrangah cun a cang thei.

Kan nauhak lai ihsin thilri bungrua kan rak tawmaw ringring zo, Pathian in pasal kan neih tikah kan unau thum’n in ṭhenawkter dingah kan ruat nan arak si lo. Pasal neih tik khalah kan umtlang vivo thei cu kan lungawi tuk” a ti.

Be the first to comment

Leave a Reply

Your email address will not be published.


*