Phir Unau Cu A Rual In Naupai An Tum

Australia, Perth khawpi ih um phir unau Anna le Lucy cu leitlun ih phir unau bangaw bik an si. Tlangval pakhat an tawnaw ih online sung khalah an rak lar zet zo.

2012 kum ihsin tlangval Byrne thawn an kopaw ih inn pakhat ah an umtlang khawm. Nikum 2021 ah Byrne in neiaw dingin a sawm ih an cohlang nan tuini tiang an neiaw hrih lo, Australia ram ah mi pathum neihawk an siang lo.

Cutin kutsihnak nei hrih loin an umtlang khawm. A rual in naupai an tum ruangah siibawi thiamnak IVF hmangin an tlangval ih mipa cii cu an sul sungah an ret nan an hlawhtling lo, tuini tiang fa an nei hrih lo ih an zuam rero lai.

An unau in, “Ziangkim kan tuahtlang thluh, rawl kan eitlang ih kan ittlang. Minung pakhat vekin kan um ih nau khal kan paitlang tum. Thil ziangkim kan tuahtlang vivo dingih kan thitlang ding” an ti.

Be the first to comment

Leave a Reply

Your email address will not be published.


*