Phir Unau Mipa Le Nunau Cu An Neihawkter, A San >>>

Thailand nupa tuakkhat in an faphir nunau le mipa cu kum 6 mi an si laiah an neihawkter, an neihawknak ah sungkhat, rualpi, venghnen pawlin an sunloihpi.

Ziangruangah an neihawkter ti asilen an zumdan cun phir unau mipa le nunau cu khuahlan lai ih koppi an rak si. Asinan, duhdawtnak khopkham loin an thih ruangah phir unau in an piangsal ti an zum.

Kum nauhakte ih an neihawkter lohli lo asilen hmailam caan ah siatnak an tong ding ti an zum, an neihawknak cu an nunphung daan in an neihawkter ih an upat tikah nupi pasal dang an nei thei veve.

Hringtu nu in, “An damsung ih rualpi ṭha zet an si lanta ding, an upat tikah nupi pasal an nei thei thotho. Tuiṭum ih kutsihnak cu an hrangah a thupi tuk, hmailam caan ah an dau a ṭha ding” a ti.

Be the first to comment

Leave a Reply

Your email address will not be published.


*