Phuba Laknak Ah Nauhak Kum 4 Mi A Pawngsual Ih A That

Kachin State, China-Myanmar ramri ih um Lweje khua ah tualthatnak rapthlak zet a thleng. Nunau nauhak kum 4 le thla 7 mi cu a hlo, ni 5 hnu July 12 ah fu hmuan sungah thicia in an va hmu. Tualthattu pacang cu an kai ih nauhak ruak umnak a khihhmuh hnuah an va hmu.

Hmin tarlang duh lo tualsung mi pakhat in, “Nauhak te cu a pawngsual hnuah a that. Zohdiktu siibawi aum ruangah pawngsual a si tin an nenhnget, nauhak a hlohnak hi ni 5 a rei zo ih a ruak khal a siat zo. Mizan ah thilsual tuahtu cu an kai ngah ih mithi ruak umnak a sim thei” a ti.

Nauhak te ih nulepa cu Kyaukse khuami an si ih Lweje ah thilri bungrua thiar ih hnaṭuan an si. Tualthattu cu Thazi khuami a si ih Lweje ah hnaṭuan in aum. An innsang pahnih karlakah buainak nasa zet an rak nei zo.

A hlan ah tualthattu ih nupi le nauhak te ih nu cu an sual aw ciamco, tualthattu ih nupi in a neh lo. An sual awknak ruangah a nupi cu a zeng, a cangvai thei nawn lo. A nupi le fanau rual cu an khua ah a tlunpi sal, cumi hnuah amah lawngin Lweje khua ah ava feh.

Tualsung mi pakhat in, “Lweje khua ih a ratsal hnu ni 3-nak ah nauhak te cu a hlo ih that a tong. Upa pawl an sual awknak ruangah nauhak in a tuar, nauhak ih nulepa a tham ngam lo ruangah an fanu parah a cangvai” a ti.

Be the first to comment

Leave a Reply

Your email address will not be published.


*