Phun 10 A Sung Ruangah A That Aw

June 17, 2022 sun ah ralhrang pawlin nikum ih phun 10 ong cazin an tarlang. Nikum fimthiam zirnak cu thla 4/5 sung lawng an zir. Rakhine ram ahcun nikum lam ihsin tlawng an rak kai rero zo.

Rakhine State, Kontan khua ih um fala kum 19 mi Ma Khin Yu Wai cu phun 10 a sung ruangah a riahsia tuk ih a thataw. A rualpi tam sawn cu phun 10 an ong, ong cazin suak ding a hngakhlap tuk ruangah zan khal a itthat thei lo. A thaizing ah ong cazin ava zoh ih a hmin a telve lo, a rualpi pawl cu an ong.

June 17 sun nazi 12:00 hrawngah zinghnam thatnak sii a ei ih a talbuai, a luak ciamco ruangah a nulepa in siizung ah an tlanpi. Siibawi pawlin an theitawk in an tuamhlawm nan an runsuak thei nawn lo, a thaizing June 18 zingpit nazi 4:00 hrawngah a thi.

Hringtu a pa in, “Phun 10 a sung ruangah kan kawk lo, na ong lo asikhallen na phisal ding tin kan hnem. Phun 10 hi kumhnih a phitnak a si zo, ziangruangah a that’aw ti cu zohman kan thei lo, amah lawngin a thei ding. Kan riah a sia tuk” a ti. An khuasen in an riah a sia ih ruak vuinak ah an tel thluh. A ruak cu siizung ih an zohdik hnu sun nazi 1:00 ah an vuiliam.

Be the first to comment

Leave a Reply

Your email address will not be published.


*