Phun 9 Kailai Tleirawl Cu PDF Tin An Kai, An Hrem

Kachin State, Mohnyin District, Helong khua ih um phun 9 kailai tleirawl pakhat cu ralhrang pawlin PDF tin an kai ih thusutnak hmunpi ah an hrem ciamco.

October 2, 2021 ah ralhrang pawlin an inn ah an va lutchilh ih PDF tin an kai, thla 2 sung ralhrang kutsung ah aum zo ih a innsang pawl thawn an pehtlaihaw thei hrih lo. A harhdamnak thuhla khal zianghman an thei lo ruangah a innsang pawl cu an thinhar zet.

Tualsung mi pakhat in, “Tleirawl Ma Monri hi phun 9 kailai a si, အ.ထ.က (၃) tlawnginn ah tlawng a kai. Ralhrang pawlin PDF tin diklo zetin an kai, thusutnak hmunpi ah an hrem nasa tuk ti thuhla kan thei. Thla 2 lenglo a innsang pawl thawn tonawk an siang lo, a harhdamnak thuhla khal zianghman kan thei hrih lo” a ti.

Ralhrang pawlin Ma Monri cu khawtlang boruak siatsuahtu tin pukmah 505 (a) le tapung hriamkai tin pukmah 50 hmangin thubuai an orhter.

Be the first to comment

Leave a Reply

Your email address will not be published.


*