Phungyi (Metila) Cu Kum 3 Sung A Hlo Zo

Shan State, Mongkaing Township, Loi Khun khua ih um fala kum 21 mi Aye Nang cu metila ah a lut hnuah a hlo. Nay Pyi Daw khawpi ah metila lut dingin ava feh ih 2019 kum ihsin a hlo.

Tuini tiang a innsang pawlin an pehtlaih thei nawn lo ruangah an harsa zet. An khuami in “A nulepa in an fanu a hlo ruangah an tlawnginn ah an va feh ih thuhla an sut. Tlawnginn lamin Namhsan khua ih a rualpi a thlun an rak ti” thu a rel.

Aye Nang cu metila a zir rero ih tlawng an cawlh caan ah tlawnginn dangih tlawngkai a rualpi cu a thlun thup ih a tlan. Cumi hnu ihsin a innsang pawlin an pehtlaih thei nawn lo, a rualpi khal zo a si ti an theifiang lo ih an pehtlaih thei cuang lo.

An tlawnginn lamin “Tlawnginn ihsin a suah lai khal saya pawlin an hmu lo. CCTV arak um hrih lo ruangah ziangtik ah a tlansuak ti khal kan theithei lo, zanlai ah tla a si thei. Saya pawlin an khua a thleng zo ding ti an rak zum, saya pawlin lamzin an theih lo ruangah an hawl nawn lo” a ti.

Be the first to comment

Leave a Reply

Your email address will not be published.


*