Phungyi Nauhak A Tlanhlo

Shan State, Lashio Township, Mae Han khua ih um phungyi tlawnginn ihsin phungyi nauhak pakhat cu March 29 sun ah a tlanhlo. Sun laifang ih an cawlh hahdam laiah a tlanhlo, khua lamah a tlung tum si ding ti an zum nan tutiang inn a thleng hrih lo ruangah a innsang pawl cu an thinhar zet.

Phungyi upa pakhat in, “Tuitiang kan hmu hrih lo. Hitawk hmun ah a pa in ara thlahmi a si, ara retnak khal a rei hrih lo. Mi ṭhenkhat in motor a to lai an hmuh thu in sim thei, khua lamah a tlung tum ih lamzin ah a hlo si ding” a ti.

Phungyi hlo cu kum 12 mi Aung Lu a si ih Namkap khua ih um a si. Hringtu a pa in March 26 sun ah phungyi ṭuan dingin Mae Han khua ih phungyi tlawnginn ah ava ret.

A pa in, “Kan khuami nauhak 2 thawn ka va ret, ka fapa thawn an pathum in phungyi tlawnginn ah ka va ret. Nauhak pahnih cu tlawnginn ah an um lai, nauhak pahnih in inn ah a tlung tum an ti. Ka fapa hi Kawl ṭong a thiam lo, Shan ṭong khal a thiam lo ih Palaung ṭong lawng a thiam. Tutiang inn a thleng hrih lo” a ti.

Be the first to comment

Leave a Reply

Your email address will not be published.


*