Phungyi Nauhak Cu Cawhnawi A In Thup Ruangah An Vua That

Shan State, Kyethi Township, Maing Kaung khua te ih um phungyi nauhak kum 9 mi cu cawhnawi arak in thup ruangah upa in an hrem ih an vuak hnu ni 10-nak ah a hliamhma tuar loin a thi.

August 24 sun ah an tlawnginn sung an tifai hnuah cawhnawi an ret ṭha mi cu arak in thup, curuangah upa in hremnak an pe ih an vuak hnu ni 10-nak September 3 ah mual a liam.

An sungkhat in “Vei 10 lenglo an vua, an vuak hnu ihsin ka luzing a ti ṭheu. Siivai ka pe ih ni 3/4 hnuah cun a ke a cang thei nawn lo. Liphiat vekin aum” a ti. “Nun an sim duh asikhallen a nunnak hrang ṭihnung ding khop cun nun sim ding an si lo, hitin nunsim ding an si lo nan” a ti.

A nulepa cu Thailand ram sungah an um, an sungkhat cun “Kan duhmi cu a vuatu hi a phuangaw ding, a phuntawk hremnak a tuar ve ding a si” a ti. Mual liamtu phungyi nauhak hi damlonak neicia a si, phungyi nauhak a thih thuhla ah phungyi upa le khuatlang upa pawlin ziang thuhla hman an relsak hrih lo.

Be the first to comment

Leave a Reply

Your email address will not be published.


*