Phungyi Upa Inn Sungah Nunau Bawngbite Hruh Man Lo An Kai

Thailand, Phra Pradaeng district ih um phungyi upa inn sungah nunau pakhat an hmu ih bawngbite khal arak hruh man lo. Kum 65 mi Phra Samut cu phungyi upa a si ih tualsung mipi pawlin an kilkhawi.

February 9, 2022 simlam ah a innsung ah nunau pakhat a lut lai cu vengsung mipi pawlin an rak hmu ih a suak sal nawn lo ruangah rinhlelnak an nei. Zan nazi 8:30pm ah vengsung mipi 100 hrawng cu an pungkhawm aw ih phungyi inn hmaiah an au ciamco.

Innsung ih luh an tum nan phungyi upa in luh arak siang lo. Tualsung palik pawl an ko hnuah inn sangka a ong ih inn sungah zohman an um lo’ a ti, khawtlang upa ṭhenkhat le palik pawl cu innsung ah an va lut ih a ihkhun parah nunau samtawnnak an hmu.

Phra Samut in samtawnnak cu ‘ka lu a nat tikah hitin ka lu ka tawn ṭheu’ a tiih a lu a tawndan khal a hmuh hai. Asinan, a innhnuai lamah thildiklo aum ding ti an zum ruangah innhnuai khan ah an va tum ih step ah nunau bawli an hmu cu an thinheng deuhdeuh, innhnuai khan sung hnipuan lakah nunau pakhat an hmu ih bawngbite khal arak hruh lo.

Tualsung mipi pawlin phungyi upa cu an camriam ciamco hnuah palik pawlin Phra Samut le nunau cu palik sakhan ah an hruai ih Phra Samut in nunau aumpi thu a phuangaw. Phungyi ihsin an dawisuak ih palik pawlin an thuhla cu an buaipi rero lai.

Be the first to comment

Leave a Reply

Your email address will not be published.


*