Phyu Phyu Htwe In Oxygen Hrang Ting 10, Arti Pum 800 Le Dragon Thingtheirah Pawl A Hlu Nan Soiseltu An Tam

Phyu Phyu Htwe cu Myanmar lemcan thiam, capohthiam hminthang pakhat a si. Soiseltu le dotu anei tam zet nan hni siamsiten a tuah dingmi cu a tuah vivo thotho, miharsa pawl khal a bawm ṭheu.

Myanmar ramsung buainak khalah mipi lamtang a si nan soiseltu anei ringring. Ralkap in thuneihnak an lak pekte ah zianghman cangvai loin arak um lawk ruangah an soisel ih lamzawhnak ah ava telve cu lemcang men tin an soisel.

Kinmah khua innkang pawl hnenah bawmnak ava pe ih online parah live a thlah cu soiseltu an tam tuk ruangah a hnaṭuannak company 20 khalin an tlansan.

Ralkap in Kinmah harsatuar pawl cu bawm an siang lo nan ziangtin bawmnak ava pe thei, cun live a thlah ruangah midang mibawmtu pawl khal an buai phah. A thupten bawmnak an va pek a ṭul tin an soisel.

Tuiṭum khalah oxygen leinak dingah ting 10 a hlu, arti pum 800 a hlu. Cun an hmuan sung suak dragon thingtheirah le thil dangdang khal a hlu nan an soisel thotho. Ziangruangah ti asile a hlunak hmun hi ralkap pawl ih kaihruaimi Covid-19 Center ti a si.

Be the first to comment

Leave a Reply

Your email address will not be published.


*