Phyu Phyu Kyaw Thein In Paing Takhon A Seherh

Kum 24 mi Paing Takhon cu Myanmar milar hminthang a si ih ralkap cozah a dodal ruangah an kai. Insein thawnginn sungah an khum ih a damlo phahphah ṭheu ti khal theih a si.

Thawnginn sungah Covid-19 nathrih a darh ciamco ruangah mipi in thawngtla pawl cu an seherh tuk. July 23 zinglam ah Insein thawngtla pawl cu thih le thih tin thawnginn sungah duhphorhnak an nei ih an au ciamco.

Cumi hnuah ralkap tam zet an va lut ih thawngtla ṭhenkhat cu an vuak that ti thuthang aum. Cuvek dinhmun a si ruangah Myanmar hlasakthiam hminthang Phyu Phyu Kyaw Thein in Paing Takhon a seherh thu cu online parah a tarlang.

Phyu Phyu Kyaw Thein in “Himi zuk kan zukawk lai ahcun kan unau in, nikhat khat ah kei cu sahimnak hawlin ka tlan rero ding ti kan rak ruat lo. Anih khal nikhat khat ahcun diklo zetin thawng a tla ding ti ka rak ruat ban lo.

Ice-cream le sandwich kan eitlang ih shooting kan tuah ih kan nuamaw zet, January thla cem zikah a si. Tuisun ih Insein thawnginn thuhla cu a ṭhalo tuk, ka naupa te damcak in tuahmawh tong lo hram seh tin thlaza camsak lo bak ti thei dang ka nei si lo” tin a Instagram cahmai ah a tarlang.

Be the first to comment

Leave a Reply

Your email address will not be published.


*