Phyu Phyu Kyaw Thein, “Mibum Hmang An Tamtuk Ruangah Mi Ka Bawm Duh Nawn Lo Ding Ka Ti Asilen >>>

Fala kum 41 mi Phyu Phyu Kyaw Thein cu Myanmar ram hlasakthiam hminthang pakhat a si, leitlun ram dangdang khalah hlasak dingin a fehsuak ṭheu. Myanmar Idol thuṭhentu a ṭuan hnu ihsin mipi in an thei tam deuhdeuh.

Ralhrang in ramsung thuneihnak an lak pek te ah nasa zetin lamzawhnak ah a tel, ralhrang pawlin kaih an tum ruangah hmunhimnak ah a tlan. Kan dungah a rualpi ṭha zetin a bum zo, a sumpai a cawi ih a pe duh nawn lo.

Phyu Phyu Kyaw Thein in, “Tulai hi mibum hmang an tamtuk ih kei khalin ka rak tong zo. Kan kiang le kap khalah mibum hmang pawl an um. Hrawkhrol ruangih milian khal tam zet an um. Misual, mibum hmang, hrawkhrol an tamtuk ruangah miṭha, midik pawl ih cangvaihnak hi kan hnawng ding maw si?

Miṭha, midik pawl ih cangvaihnak hi kan thei nawn lo ding maw si? Kan bawm duh nawn lo ding maw si? Kan bawm asikhallen san aum cuang lo, kei khal ka sinpi dan in ka um thlang ding maw si? Mibum hmang an tamtuk ruangah mi ka bawm lo asilen misual/mibum hmang pawlin in neh ding” a ti.

Be the first to comment

Leave a Reply

Your email address will not be published.


*