Pi A Si Zo Nan Fala Nonal Te Ah An Ruatsual Ṭheu

Canada, Quebec khawpi ih um innsang nubik Nathalie Gangon cu kum 53 a kim zo nan a lang nauhak tuk lai ruangah mipi in kum 19 / 20 mi hrawngah an ruatsual ṭheu. A fale pawl khalin fate an nei zo. Nathalie in, “Pi ka si zo nan mipi in fala nonal te ah in ruatsual ṭheu” a ti.

Kum 50 a kim hnu lawngah taksa cangvaihnak a tuah ṭheu. Nathalie in, “Taksa ṭha dingin cangvaih tuahnak ah khua a tlai zo ti aum lo, a thupi bik mi cu zuamnak hi a si. Kum 50 hnu lawngah taksa cangvaihnak ka tuah ṭheu. A harhdammi rawl lawng ka ei, rawlei lam cu ka supaw tuk lo.

Zu cu ka in nawn lo ih thilthlum lam khal ka in tamtuk lo. Nan taksa le midang taksa kha tahthim hlah uh, ṭhenkhat cu ei le in an supawk ruangah an taksa a ṭhah phah. Asinan, ṭhenkhat hrangah a si cuang lo. Kan taksa umdan hi a banglo cio, mahten zuamnak hi a thupi bik” a ti. Online sung khalah a lar zet ih nauhak te vekin a cangvai ṭheu.

Be the first to comment

Leave a Reply

Your email address will not be published.


*