Pitar In Nikhat Ah Elevators Hi Vei 60 A Hmang Ṭheu Ruangah Sumpai An Kuanter

China, Guangxi khua building sangpi ih um pitar kum 70 mi Lu in nikhat ah elevators hi vei 60 lenglo a hmang ṭheu. Kum 8 sung a hmang zo ih an building ih elevators cu amai bulpak ta ah a ruat.

Khualak ta bursia le thil dangdang a hawl ih a room sungah a ret, a room sungah thil a tuah ih a zuarsuak sal ṭheu. Pitar Lu in, “Ka tar zo ih ka cak nawn lo ruangah elevators ka hmang ringring. Nikhat ah vei 60 lenglo cu thilri bungrua thiar suksonak ah ka hmang” a ti.

Kiangkap ih um mipi pawlin an rem thei nawn lo ruangah ṭuanvo neitu hnenah an sim thei. Ṭuanvo neitu in nikhat ah elevators hi vei 60 a hmang ṭheu ruangah kum 8 hrangah 28,736 yuan na kuan ding an ti. Pitar Lu khalin kuan dingin a lungkim.

Ṭhenkhat in pitar Lu cu an tan ih elevators hmang tamtuk ruangah sumpai an kuan ahcun hmang dah lo pawl teh sumpai kan ngah kem maw? an ti.

Tualsung mipi ṭhenkhat in elevators a hmang tamtuk ruangah sumpai an kuanter khal a si hran lo, building sungah hnawmhne a thiarlut ringring ruangah thiarlut nawn lo seh ti an duh ruangah a si’ an ti.

Be the first to comment

Leave a Reply

Your email address will not be published.


*