Pitar Kum 61 Mi Le Tlangval Kum 24 Mi An Neiaw Ih Fa Neih An Tum

Pitar kum 61 mi le tlangval kum 24 mi cu thungai thlak in an duhaw ih an hnam’aw kuahko. An tonawk hmaisabik ahcun tlangval Quran hi kum 15 mi lawng a si, online fehtlang ihsin an bia’aw phahphah ih an duhaw.

Pitar kum 61 mi Cheryl in fate 7 anei zo ih tuu 17 anei, a fale a tuule pawl khalin Quran cu an cohlang. 2021 kum ah an neiaw ih innkhat ah an umtlang, tu’ah fa neih an tum thu mipi pawl an theihter.

Pitar Cheryl in, “Ka pasal in fa neih a duh tuk. A fate ih nu si ka duh. Ka upa zo ruangah midang sul sang in maw, lamzin pakhat khat in fa kan nei ding. Tuikum 2022 sungah fa kan nei ding” a ti.

Online mi ṭhenkhat in an soisel ruangah Quran in a nupi cu a kuah ih, “Ka nupi a si. Thihnak lo cun in ṭhen hlah seh. Kumkhua in kan umtlang ding” a ti hnuah a hmur ah a hnam.

Be the first to comment

Leave a Reply

Your email address will not be published.


*