Pitar Kun 85 Mi In Pasal A Hawl

US, New York pitar kum 85 mi Hattie Retroage in pasal nonalte a hawl rero lai. A harhdamnak a ṭha ih a hrisel zet ti a theihthei, midang pitar kum 80 kim zo pawl cu siizung lamah caan an hmang rero lai.

Hattie Retroage in fate 2 le tu 3 anei zo, 1984 ah a pasal thawn an ṭhenaw. A pasal cu hnaṭuan a paih lo ruangah an fale pawl college kainak ding a ṭumsak thei lo tin a ṭhen, cumi hnuah kum 39 mi John thawn an neiaw.

Hattie Retroage hi lamthiam a si ih a harhdamnak khal a ṭha zet, a pasal John thawn an ṭhenaw sal ih Hattie Retroage cu kum 85 a kim. Tu’ah pasal ding mipa nonalte a hawl rero lai, a pasal duhzawng cu kum 35 hnuailam a si dingih ihkhun parah a cakvaih ding a ti.

Hattie Retroage in a nupa-nun sinak cu zep loin a relsuak hluahhlo, nupa-sinak lamah a cak zet ih a kum rual mipa pawlin a duhkhop an pe thei lo thu a rel. A fanu Rana cun a nu cu thazang a pe, asinan a fapa Josh le a nupi in ‘nupa-sinak lam thuhla a rel tinten an rak ei lo thei tuk.

Mipa hawlnak Tinder group ah zarhkhat ah veithum rori mipa a hawl ṭheu ruangah Tinder company in an block, a hmeltheih nunau pawlin Bumble group fehtlang in mipa an hawl hmu ṭheu thu an sim ih, tu’ahcun Bumble group ah um in mipa a hawl rero lai. (#A Instagram hmin cu hattitudes1 a si)

Be the first to comment

Leave a Reply

Your email address will not be published.


*