Pitar Pakhat In A Fale Pawl An Nunnuam Deuhnak Dingah Tin Chindwin Tiva Ah A Dawp That

Ralkap nunrawng le Covid-19 natsia in Myanmar mipi pawl an nuai ciamco ih zocio khal an harsa thluh, harsatnak ruangah thinhar beidong ih thataw khal an um hnuaihni zo.

Sagaing Division, Kani khua ih um pitar pakhat cu damlo ringring a si. A fanu Aeint Phoo San cu Myanmar lemcan thiam hminthang a si ih Miss Asia Myanmar 2016 zuamawknak khalah arak tel zo, a fanu ih pasal Moe Sat khal Myanmar lemcan thiam milar thotho a si.

Aeint Phoo San hi naupai lai, a naupai cu thla 3 a kim. Aeint Phoo San tei nupa khal Covid-19 in an damlo ih sumpai lamah an harsa, curuangah Aeint Phoo San ih nu in a damlo thu le ei le in ding a neih lo thu cu a sim ngam lo ih a thataw sawn.

An makpa Moe Sat in “Ka nupi ih nu cu Chindwin tiva ah a dawp that, ka nupi naupai lai hi ziangtin ka hnem ding” tin a riahsiat thu pawl a tarlang.

Aeint Phoo San khalin “Ka nu, na sual tuk aw. August 4, 2021 tiang cu phone in kan biaaw ringring lai, umnak ding le ei le in ding kan harsa tuk ih, umnak ding a remcang veten ka lo ko ding ka ti si.

Buainak dang zianghman kan nei lo, kan sinpi thluh nan August 5 sun ah mual in liamsan. Na fale pawl, in duhdawtnak thinlung ruangah hitin thil na tuah cu a si nan na fanu hrangah cun ka damsung hliamhma ah a cang ding.

Thuphan in sim hlah ka lo ti áš­heu ih “Ka sinpi thluh sokhaw” tin thuphan na rak permi ka zum ruangah na fanu hi ka thiamaw lo tuk. Vanram ah hahdamten cawl thlang aw” tin a tarlang.

Be the first to comment

Leave a Reply

Your email address will not be published.


*