PNO Hriamkai Pawlin Mipi Sumpai, Thilri An Lonsak

Shan-Kayah ramri, Taunggyi-Loikaw lamzin, Htee Sakha checkpoint ah PNO hriamkai pawl an duty ih mipi sumpai, thilri an rak lonsak vivo.

Pa-O National Organisation (PNO) cu mipi hriamkai pawlkom pakhat an si ih Shan ramsung ah hmunram an nei. Karen ralkap pawlin PNO cu ralkap lamtang an si ih kan dungih an doawknak khalah ralkap pawl an rak bawm an ti.

Asinan, PNO in an bawm lo thu an rel ih thudik lo a si an ti ve. Ahlan ahcun Htee Sakha checkpoint, Shan ramlam ah PNO pawl an um ih Kayah ram lamah ralkap pawl an duty.

Tu’ahcun PNO pawl lawng an duty, ahlan ahcun himi checkpoint paltlangnak ah 500 an rak pe ṭheu ih tu’ahcun 5000 an dil.

Taunggyi ihsin ra tlung Loikaw khuami in “Mani ah Taunggyi ihsin kan ra tlung ih datsi pung 6 kan phurmi khal in laksak thluh. Loikaw ah a makhung tuk zo ih lei ding khal aum meimei nawn lo.

Ralṭih ih kan um laitak a si ih duh vekin kan lei thei lo. Kan hmai ih tlan motor sung ta facang pawl khal an laksak thluh. Loikaw ihsin raltlan pawl khal 5000 ciar an rak dil, mipi thilri siivai pawl khal an laksak thluh” a ti.

Be the first to comment

Leave a Reply

Your email address will not be published.


*