Police In Kai Dingin An Hawl Rero Ih A Voih Ruangah An Kai

Voih suak ahcun supawk lo ding an ti ṭheu, voih sup cu thahri le thluak hrangah a ṭha lo ruangah voih suak ahcun thawh hluahhlo mai ding. Asinan, police pawl ih hawl lai ahcun thawh lo hram sehla a ṭha zet ding.

US, Missouri ih um mipa pakhat cu ritheih sii thawn pehtlaih awknak aneih ruangah police pawlin kai dingin an hawl. Wanted list tin a zuk le a hmin an tarlang nan an kai ngah thei lo.

Nikhat cu tualsung mipi pawlin an hmuh thu police hnenah an sim thei. An vengsung ah police pawl an va thleng hngal nan an hmu nawn lo, kiangkap ah an hawl rero ih a sulhnu hmuh ding awmang aum lo ruangah hmun dangah an tlan tum.

Cutin, police pawl an tlan tum zawng takah a voih suak tuk, a supaw thei nawn lo ih a thawh ruangah police pawlin an kai ngah. Missouri police pawl khal an lungawi zet ih “Voih ruangah thil zianghman siatsuah ṭul loin kan kai ngah thei. Kan kaihnak ah tuahmawh aw khal kan um lo” an ti.

Be the first to comment

Leave a Reply

Your email address will not be published.


*