Police In Motor Thlalang An Sutkuai Ih Naute An Runsuak, Asinan Naute Lem Arak Si

UK police pawlin motor thlalang an sutkuai ih motor sungih um naute runsuah an tum nan naute ngaingai arak si lo ih naute lem robot doll arak si. Motor neitu Amy McQuillen (kum 36) in naute lem cu a fanu kum 10 mi Darci ta a si, Christmas laksawng a dawngmi a si a ti.

A fanu Darci thawn bazar an kai ih a fanu in naute lem cu a cawi paih nawn lo ruangah motor sungah ava ret, motor tokham parah a toter ih seatbell a hrentang hnuah bazar an va kai. Bazar an kai hnuah an motor kiangah an va feh ih mipi an rak tam zet ih police pahnih in an motor thlalang an sutkuai lai cu an hmu ih an mangbang tuk.

Amy in police hnenah, “Ziangthil a thleng?” tin a sut ih police in motor sungah naute suak pekte an taan, daithlan thubuai a si arak ti. Amay in “ka fanu cu ka kiangah a um si” a ti hnuah motor sungih naute cu an la ih naute lem a si ti an thei, police pawlin ngaithiam an dil ih an motor thlalang tuahnak dingah £264 bill an pe.

Police nunau in, “Nu ka si ve ih ka thinphang tuk ruangah motor thlalang cu ka sutkuai lohli, kiangkap um mi ṭhenkhat in motor sungah naute an taan ih a cang rero lawk nan a cang nawn lo’ tin an rung report ruangah hitin kan cangvai lohli” a ti.

Police ṭuanvo neitu in, “Report-tu an um ih hiti vek boruak a thleng ahcun thilumdan zingzoi hmaisa loin naute nunnak sawn an ruat thupi ruangah hitin an cangvai lohli tin an sim thei. Amy McQuillen in naute lem cu minung ngai an bang ko nan hitin thil a thleng ding ti cu ka rak zum ban lo a ti.

Be the first to comment

Leave a Reply

Your email address will not be published.


*