Police Pawl A Ko Ih A Ritheihsii A Ṭha Le Ṭha Lo A Test-Ter, An Kai

US, Florida ih um mipa pakhat in March 11 zan ah 911 a phone ih, “Ka ritheihsii leimi hi a ṭha le ṭha lo in ra zohsak uh” a ti. An inn ah palik pawl an va thlen ih Thomas in a ritheihsii leimi cu arak hmuh.

Thomas in, “Zudawr ah mipa pakhat ta ritheihsii ka lei, asinan ka tham hnuah ziangtin hman ka um cuang lo. Ahlan khalah ritheihsii ka rak tham ṭheu ih tuiṭum ih ka leimi thawn a bangaw lo” a ti.

Palik pawl hnenah ritheihsii lem a si ding, ritheihsii lem a zuar cu a ṭha lo tuk. Keimah vekin midang bum an tuarlonak dingah ka lo theihter a ti. Palik pawlin ritheihsii zuartu ih thuhla cu an sut ih a thei nawn lo, a hmin khal a thei lo ih pehtlaihnak zianghman a nei lo.

Palik pawlin a ritheihsii leimi cu an zohdik ih ritheihsii ngai ti an thei. Curuangah ritheihsii kol thubuai orhter in Thomas cu an kai. An hruaisuah laiah a awmsung a nat thu a sim thei ruangah siizung ah an va fehpi hmaisa ih sibawi pawlin an zohdik, natnak zianghman a nei lo an ti hnuah thawnginn lamah an phur.

Be the first to comment

Leave a Reply

Your email address will not be published.


*