President U Win Myint Cu Ralkap Pawlin An Thulung Dingin An Hringhro Ih “Ka Thi Asilen Ka Thi Men Ding” Arak Ti

Kum 69 mi U Win Myint cu Myanmar ram president a si, 2018 kum ihsin 2021 kum sungah president hna a ṭuan. 2021 ah ralkap in ramsung thuneihnak an lak veten an kai ih tuini tiang an suah hrih lo.

October 12 sun ah Nay Pyi Taw thuṭhennak zung ah an hruai ih thu an sut. Cutawk ah U Win Myint in a thilton mi a sim thei.

February 1 zingpit ah ralbawi picang zet pahnih cu a umnak inn ah an va feh ih “Na harhdamnak a ṭha nawn lo ruangah president sinak ihsin cawl aw” an ti. U Win Myint in “Ka harhadamnak a ṭha ko” arak ti.

Cumi hnauh ralbawi pahnih in “President ihsin na cawl lo asilen na harhdamnak a siatsuah ding, na hrangah a ṭihnung tuk” tin an hringhro ih U Win Myint in “Ka thi asilen ka thi men ding” tin a cawl thei lo thu arak sim.

Be the first to comment

Leave a Reply

Your email address will not be published.


*