Pu C. Hminghlua In “Ka Suahcam Cu Myanmar Raltlan Pawl Hrangah” Tin Auto A Mawng

Myanmar ramsung doawknak ruangah Chin mipi tam zet cu Mizoram sungah an va beulut zo, Mizoram cozah le mipi in duat le ṭha zetin an rak mikhual ih an ṭulsam mi pawl an tuahsak rero lai.

Siaha khawpi ih um Pu C. Hminghlua cu Council ah driver hnaṭuan lai a si. A fale 4 umpi ih New Siaha ah an khuasa, a suahcam (Birthday) kum 45 kimnak ah Myanmar raltlan pawl hrangah tin Auto-Rickshaw a mawng ih a ngahmi sumsaw cu raltlan pawl hnenah a pe thluh ding.

Nikum 2020 ih a suahcam khalah Siaha khawpui sungah a lakin arak mawng zo. A auto parah “Ka suahcam cu Myanmar raltlan pawl hrangah” tin ca a tar.

Mizo Special Report ah “Mizoram sungah hivek ih mitirh siang zet kan nei hi a suang um tuk. A suahcam ah duhsaknak tal cu hlan ve kung, Happy Birthday Pu Hminghlua” tin an tarlang. (Happy Birthday Pu Hminghlua, Pathian ih malsawm dawng vivo tu si hram aw)

Be the first to comment

Leave a Reply

Your email address will not be published.


*