Pu No Than Kap: “CNLD Ihsin Keimah Bulpak Cun March 31, 2021 Ah Ka Cawl Zo Nan…”

Tuisun May 21, 2021 ah thuneihnak latu ralkap pawlin meeting an ko ih Myanmar ramsung ih Party 91 an sawm ih party 59 in meeting an kai. Chin National League for Democracy (CNLD) khal an sawm nan meeting an kai tum lo thu an phuang zo.

Asinan, CNLD thuron petu Pu No Than Kap cu amahten meeting arak kai ruangah Chin mipi cu mangbang in an um, curuangah Pu No Than Kap in simfaingnak anei cih “CNLD ihsin keimah bulpak cun March 31, 2021 ah ka cawl zo na’n tulai boruak thawn EC in ka “suahnak ca” an hmukim loih party sungtel vekah in ruat hrih.

#Tulai buai thawn party sung thu hi lenglam ah post rero a tha lo ding ti ruat ruangah tuhlan ah ka post lonak a si. Tusun ah CNLD aiawh in UEC meeting ka kai lo. Cuvial.” tin a facebook cahmai ah a tarlang.

Chin National League for Democracy (CNLD) ih General Secretary Salai Ceu Bik Thawng khal party ihsin a cawl fel zo ti theih a si.

2021 kum thok lam ah CNLD General Secretary ṭuan dingih hriltlin thar Salai Ceu Bik Thawng cu tuṭum Dothlennak boruak ah thuuk deuh ih tel a duh ruangah party hnaṭuan ihsin a cawlmi a siih party lam khalin a colhnak an cohlang zo tiah theih a si.

Ramkhel party hotu pawl cu Dothlennak ah tel a ngah lo ti`n Uktu lam ih suahmi Daan sungah aum ih cumi pahbal cun party tiang ṭhiatbal ton a theih ruangah tuvekin Salai Ceu Bik Thawng in party a suahsan hi a si tin Falam Online Media thuthang ah an tarlang.

Be the first to comment

Leave a Reply

Your email address will not be published.


*