Pu No Than Kap In Falam Rescue Team Hnenah Sumpai 1,000,000 Zat A Hlu, Pu No Than Kap Ih Anka

Covid-19 natsia in Yangon khawpi a nuai ciamco ih damlo le mithi an tam zet zo. Yangon ih um Chin mipi pawl khalin an tuar nasa zet.

Yangon ah nathri in a nuai rero Laimi pawl bawmbawi ih cangvai rero tu Falam Rescue Team Yangon ah Pu No Than Kap in 1,000,000/ (Tinghra) a hlu a si.

Falam Rescue Team in Yangon um Falam peng mi le sa innsang 70 lenglo hnenah siivai, ei in le Oxygen a pe zo a si. Falam Rescue Team Yangon. Pehtlaihnak, Salai Cung Aung Ph. 09420080186 Salai Cuante, 09458628779, Saya Heli Remte Ph. 09455131573. (# Cin Pak).

Covid-19 in rawngbawltu le kan mithiam sang pawl in laksak rero zo. Pu No Than Kap In “Tui kum cu kum rapthlak zet ah a cang. Ka rualpi pawl nan fehliam zo maw, leitlun camsiatmi ihsin nan luat zo. Leitlun thimkhuazing ih kan rak tlanlen lai cu ka hngilh nawn lo ding.

Kan zaten mikhual men kan si, ni netabik ahcun Pathian hmaiah ziang kan tuah timi tettikhan ding lawng kan si. Ziangkim an liam, nithla le kum le caan thawn. Kan leinun cak lo zet khal tikhu bang a liam ve! Letsel sahnar lam panin hringlang tlang nan liam miarmo. Nan khiak ta maw hawilo par…” tin a riahsiat thu a tarlang.

Be the first to comment

Leave a Reply

Your email address will not be published.


*