Pu No Than Kap Meeting A Kai Thuhla Ah CNLD In Ca An Suah

May 21, 2021 ah thuneihnak latu ralkap pawlin NayPyiTaw ah meeting an ko ih hrilawknak ding thuhla le thil dangdang an relkhawm. Myanmar ramsung ih Party 91 an sawm nan Party 59 lawng an tel, National League for Democracy (CNLD) in an tello ding thu an rak sim thei zo.

Asinan, CNLD thuron petu Pu No Than Kap cu amahten thu in ava tel ih simfiang awknak khal anei zo. Pu No Than Kap in ““CNLD ihsin keimah bulpak cun March 31, 2021 ah ka cawl zo na’n tulai boruak thawn EC in ka “suahnak ca” an hmukim loih party sungtel vekah in ruat hrih.

Tusun ih UEC meeting khal CNLD hmin in ka kai lo, hnațuan thudang thawn Naypyidaw ka thlen laifang a si ruangah țuanpi rualpi pawl ka va cibai phah men mi sawn a si” tin a tarlang.

Cun, CNLD aiiawh in UEC meeting a kai lo thu khal a tarlang, asinan Myanmar ramsung thuthang picang pawlin CNLD Party cu UEC Meeting ah an tel tin an tarlang.

CNLD Party in May 22, 2021 ah theihternak ca an suah cih ih an kamsuak a bangaw lo. “Pu No Than Kap in March 31, 2021 ni tarlang ih a nganmi a suahnak ca cu May 21 zan nazi 9:00 hrawng lawngah Messenger ihsin in kuatmi cu kan hmufang. Pu No Than Kap ih suahnak thuhla cu ziangtin kan tuah ding ti cu Emergency in meeting kan koaw ding” tin an tarlang.

Be the first to comment

Leave a Reply

Your email address will not be published.


*